Univers Reklama- Indoor & Outdoor Advertising Information

Univers Reklama u krijua zyrtarisht më 17 Janar 2001, pas një pune paraprake mjaft intensive dhe impresionuese të dy themeluesve të saj. Investimi fillestar i kompanisë ishte afërsisht 20 milion lireta, ndërsa në vitin 2009 vlerat e investimeve llogariten në disa milion euro, në një treg tashmë të masivizuar, me subjekte të shumtë. Në të vërtetë, “Univers Reklama” nisi si një “parathënie” dhe në instancë të fundit, pas zhvillimeve dhjetë vjeçare, u konstatua si realitet i konturuar qartësisht. Sot, themi me bindje se Univers Reklama ka qenë inicimi dhe institucionalizimi real i tregut të reklamave në Shqipëri. Në aspektin teknologjik, Univers Reklama ka pozicionin lider në treg, vlerësim ky i bërë nga Helwett Packard - kompania lider në botë për prodhimin e makinerive të printimit - indoor dhe outdoor, e cila përzgjodhi dhe çertifikoi Univers Reklama si Qendër Demonstrimi për Ballkanin Juglindor. Që në fillimet e saj, kompania ka përfshirë në vizionin dhe objektivat afatgjata njohjen e vazhdueshme me risitë e tregut vendas dhe atij të huaj duke marrë pjesë në panairet më kryesore brenda dhe jashtë vendit si: Vissual Communication Milan Show, Wide Digital Printers në Belgjikë dhe panaire të tjera në Gjermani, Itali, Greqi, Turqi, Kinë, etj; rrjedhojë e së cilës është rritja profesionale dhe pasurimi i vazhdueshëm i teknologjisë prodhuese. Cikli i kësaj kompanie është i plotësuar. Ai nis me ideimin, vazhdon me prodhimin e mikro dhe makro strukturave dhe përfundon me montimin dhe dorëzimin në destinacion. Tashmë Univers Reklama është zgjeruar përmes dy degëve me aktivitete të tjera: Univers Promotions dhe Univers Arredo. Në këtë mënyrë, familja jonë është më e madhe, gjithnjë e gatshme t’ju vijë në ndihmë duke plotësuar gamën e kërkesave tuaja. Kompania operon me shtrirje aktiviteti nga veriu në jug të Shqipërisë dhe jo vetëm kaq, por tashmë është bërë e njohur edhe në Kosovë me hapjen e degës së saj në Prishtinë.