Sedaqua Information

SEDAQUA é unha empresa consultora de base tecnolóxica, Spin-off da Universidade da Coruña, que achega a escala piloto e real as experiencias do Grupo de investigación de enxeñaría ambiental EnAmB-React! (UDC) en materia de tratamento de augas residuais e valorización de residuos orgánicos, a través de humidais construídos e sistemas de compostaxe. SEDAQUA aposta pola conservación dos recursos naturais, a sustentabilidade e a economía circular. A actividade de SEDAQUA baséase na consultoría, deseño e asistencia técnica sobre humidais construídos e compostaxe de biorresiduos e outros residuos. En canto á depuración de augas residuais, SEDAQUA aposta pola combinación dos humidais construídos con dixestores anaerobios como etapa previa. Estas tecnoloxías combinadas incorporan melloras tecnolóxicas respecto aos sistemas actuais, como por exemplo a redución do consumo enerxético (até un 95% menor), a escasa xeración de lodos a xestionar e a redución de custes e capacidades necesarias no mantemento das pequenas depuradoras. Os servizos ofertados por SEDAQUA, tanto en depuración como en compostaxe, están dirixidos principalmente a: - Pequenos núcleos, vivendas unifamiliares, urbanizacións, pequenos concellos. - Vertedura da pequena industria (alimentaria, vitivinícola, cervexaría, etc. ). - Tratamentos terciarios de EDARs. - Sectores con servizos en zonas naturais (cámpings, hoteis rurais, restaurantes, etc.).