ნოვა - Nova Information

ნოვა 2006 წელს დაარსდა და სამშენებლო ბაზარზე B2B საქმიანობით, პროდუქციის იმპორტითა და რეალიზაციით დამკვიდრდა. 2011 წლიდან კომპანიამ სამშენებლო მასალების წარმოების ხაზების განვითარება დაიწყო და ნოვა 30-ზე მეტი დასახელების სასახურავე მასალას და აქსესუარს, წყლის ბარიერებს, 100-ზე მეტი დასახელების პოლიეთილენის ავზს, 40-ზე მეტი დასახელების თაბაშირ-მუყაოს, მეტალოპლასტმასის არმირების პროფილების და აქსესუარების მწარმოებელია. იმპორტული და წარმოებული პროდუქციის რეალიზაცია ქვეყნის მასშტაბით 500-მდე სამშენებლო-სარემონტო მასალების რეალიზაციის ცენტრებში ხდება. ნოვა ხელს უწყობს ადგილობრივი პარტნიორების წახალისებას და განვითარებაზე ორიენტირებული პროექტებით უზრუნველყოფს მათ ფინანსურ და ინტელექტუალურ მხარდაჭერას. 2019 წელს ნოვამ დაიწყო აქტივობა B2C მიმართულებით. განაახლა ბრენდის ვიზუალური და სტრატეგიული სტილი. რებრენდინგის შემდეგ კი 2020 წლის 3 ივნისს ბათუმსა და თბილისში სამშენებლო-სარემონტო მასალების ორი მეგაცენტრი გახსნა. 90 კვ.მ ნაქირავები ფართიდან, 5 მეგობრით დაწყებული საქმე დღეს ჯამში 80 000 კვ.მ-ზე ქვეყნის ორ სტრატეგიულ ქალაქშია წარმოდგენილი, რომელიც თანამედროვე ინფრასტრუქტურით აღჭურვილ სასაწყობე, საწარმოო და საგამოფენო დარბაზებს მოიცავს, დასაქმებულთა რაოდენობა კი 480-მდეა გაზრდილი.