MTK International School Information

Heydər Əliyev adına Müasir Təhsil Kompleksi Azərbaycan təhsili məkanında beynəlxalq tədris mərkəzidir. Biz şagirdlərimizə təkcə intellektual səviyyəni deyil, həm də fərdi yaradıcılıq, əməkdaşlıq bacarıqlarını, fiziki sağlamlığı, sosial və emosional rifahı inkişaf etdirmək üçün tərtib olunmuş geniş proqram təklif edirik. Məktəbimizin əsas məqsədi bütün MTK şagirdlərinin əsl ikidilli olmalarını, yəni onların nəinki ingilis və ana dillərində səlis danışmalarını, həm də bu dillərdə tam akademik biliklərə yiyələnmələrini təmin etməkdir. Məktəbimiz şagirdlərə karyera və gələcəyi proqnozlaşdırmağın çətin olduğu bugünkü həyəcanlı, həm də fırtınalı dünyada inkişaf etməyə hazırlayan təhsil verir. Bunu nəzərə alaraq məzunlarımızı ali məktəb və gələcək karyera seçməkdə yüksək səviyyədə rahatlıq verə bilən, 21-ci əsr bacarıqları ilə təmin edəcək tədris proqramı hazırlamışıq. Bizim məqsədimiz məktəbimizdə təhsil alan hər bir şagirdin xoşbəxt və özünəinamlı olmasını təmin etməklə yanaşı, bu pozitiv keyfiyyətləri rəhbər tutaraq ömürboyu öyrənmə eşqi olan, universitet həyatına və uğurlu karyera qurmağa hazır bir gənc yetişdirməkdir.