HJELMELAND KOMMUNE Information

"Hjelmeland naturlegvis" har sidan 2011 vore kommunen sin visjon og er eit innarbeidd slagord. Me signaliserer at me ønsker å bruka natur og naturressursane til næring, rekreasjon og bukvalitet. Me ønsker også at Hjelmeland skal vera eit naturleg val for å bu, arbeida og besøka. Hovudmål Jobb og attraktivitet. Å legga til rette for vekst i folketal gjennom satsing på arbeidsplassar og attraktive lokalsamfunn. Satsingsområde - Vidareutvikla "trekantsamarbeidet" offentleg, privat og frivillig sektor for å skapa ein basis for felles lokalsamfunnsutvikling med vekst i folketal. - Næringsutvikling med basis i eksisterande næringar og der reiseliv vert særskilt vektlagt. - Lokalsamfunnsutvikling på ein slik måte at det er mogleg å bygga og bu i bygda for alle generasjonar, samstundes med ei særleg satsning på tettstadsutvikling.